ခေတ်ပေါ်ကဗျာလမ်း

ခြေတစ်လှမ်းချလိုက်တိုင်း ပို၍ဆန့်ကား
ရှည်ထွက်သွားတဲ့လမ်းမ
အဲဒီလမ်းမဟာ
တစ်ဦးတစ်ယောက်တည်းအတွက် ရှိနေခဲ့ပြီး
အဲဒီတစ်ဦးတစ်ယောက်ဟာ ငါဖြစ်ခဲ့တယ်
ငါ့အလုပ်က
ရပ်တန့်နေဖို့ မဟုတ်ဘူးတဲ့
ငါလျှောက်နေရပေါ့
အဲဒီလမ်းမပေါ်မှာ
တစ်ယောက်တည်း။

နေမျိုး

လူဖြစ်ရတာကောင်းတယ် ကဗျာစာအုပ်မှ

ထ
ထစမ်းကွယ်
မနက်
မနက်
မျက်ရည်လေး ခေါက်သိမ်းပြီး
သမီးရေ
ကိုကိုတို့နဲ့ ကျောင်းလိုက်သွားပါကွယ်
ဒါ
နားဆွဲကြီး ကြီးကြီးသီးလာအောင်
နားဆွဲ သေးသေးလေးကို ဖြုတ်ပြီး
စိုက်ပျိုးထားရတာပေါ့။

ခင်မောင်နိုင်ဦး

ပေဖူးလွှာမဂ္ဂဇင်း။

တစ်ခုခုဆို မြို့ပြင်ဖက် ထွက်ကြည့်တတ်ကြလို့
မြို့ပြင်ဖက် ရွေးဆင်းခဲ့တာ
အ အာ အိ အီ နဲ့ပဲ နှုတ်ခွန်းဆက်ရတယ်
ဒါတောင် ဂွီဂွီ ဂေါင်ဂေါင်တွေ မပြောရသေးဘူး
လယ်ကန်သင်းရိုးပေါ် လေချွန် လမ်းလျှောက်
မြက်ခင်းနဲ့ မြေသားကို ကိုင်တွယ်စမ်းသပ်ကြည့်
ကျွဲတွေကြားထဲ ရွှံ့ရေ ၀င်လူး
ကမ္ဘာမြေဟာ တယ် အရသာရှိပါလား
ကင်မရာလေးထုတ်ပြီး တဖျပ်ဖျပ် တချပ်ချပ်
မြင်သမျှမှတ်တမ်းတင်ရ ပြန်ရောက်ရင်
ရီပို့တင်ဖို့ ဖတ်ညွှန်းရေးဖို့
ဒီလိုနဲ့ မီဒီယာတွေ ၀ိုင်းမလာခင်
ထန်းရည်သောက် ကျူရိုးဦးထုပ်လေးဆောင်းပြီး
တနင်္ဂနွေနေ့က ပြန်ခဲ့တယ်။

(၈ ဂျူလိုင် ၂၀၁၀)

ငါ့အရိုးတွေအကြောင်း ငါမပြောနိုင်
ငါ စိတ်လိုလက်ရရှိတုန်းကတော့
ငါ့ကိုယ်ထဲ ငါစမ်းကြည့်
ငါ့သွေးကြောထဲမှာ ချောက်နက်နက်တစ်ခုရှိတယ်
အဲဒီချောက်ထဲသို့ ငါလွှတ်လိုက်တဲ့ စာပို့ခိုတွေ
ငါ့ဆီတစ်ကောင်မှ ပြန်ရောက်မလာဖူးဘူး
တကယ်တော့ ငါ့အကြောင်းဟာ ပျင်းရိဖွယ်ပါ
ငါ့စိုက်ခင်းမှာ ထူးဆန်းတာဘာမှမရှိ
ငါ့မသိမှုတွေသာ ကိုင်းဆက် အသီးမြန်ခဲ့ရ
မျက်လုံးဝင်းဝင်းများနဲ့ မင်းကိုငါချစ်တယ်ဆိုပြီး
ကြာသပတေးညတွေမှာ ငါ ထထယောင်မယ်
ခေတ်နဲ့ ရင်းရင်းနှီးနှီးရှိတဲ့ ငါ့မီးတွေ
မြန်နှုန်းမြင့်မြင့် ထထလောင်မယ်
ဘီယာဆိုင်သွားရင်း ကေတီဗွီထိုင်ရင်း
ငါ လှလှပပ အရွယ်ရောက်လာတာဟာ
ငါ့ကိုဖမ်းမယ့် ငါ့ထောင်ချောက် ပိရိသေသပ်တာလို့ခေါ်တယ်
ဘွဲ့တွေရ လခတွေရ ဘယ်လောက်သေသပ်သလဲ
ဟိုဟာတွေငါပိုင် ဒီဟာတွေငါဆိုင်
ငါ့ဖြတ်လျှောက်ဇာတ်ဝင်ခန်းဟာ ကြေးကြီးလာခဲ့
ငါဟာမိန်းမော ငါဟာမျော ဒီလိုဆို
မဖြစ်သေးဘူး ငါအချီကြီးခုတ်ပိုင်းမိတော့မယ်
ငါ့ကြောက်စိတ်တစ်ပတ်ပြန်လည် ငါ့ကြေးစည်သံငါကြားမိ
ငါ့မွေးနေ့မှာ ငါ့ကိုယ်ငါ သွေးအေးအေး ဖြုတ်ပစ်တယ်
ငါဟာ ငါ့ပြုတ်ထွက်လက်နှစ်ဖက်ကို ကြည့်ပြီး ရယ်တယ်
ငါ့ပဲ့ကွာခြေထောက်နှစ်ချောင်းကို ကြည့်ပြီး မောတယ်
အခု ငါ့ကိုယ်ကောင်ဟာ ငါ့ညစာ
ငါ့ဦးခေါင်းက ၀ါးလုံးကွဲဟာသပဲ
ငါ့မျက်လုံးနဲ့ငါ့နားရွက်တွေကို ကိုင်ကြည့်နေတဲ့
ငါ သို့မဟုတ် ငါး
(ယနေ့ထိ) ငါ့ကိုဘာနဲ့မျှားမျှား
ငါတို့ မိမြဲမိတယ်။

( ၂၀ ဂျူလိုင် ၂၀၁၀)
၎း၁၁-၅း၀၀-၅း၂၄ မနက်။


*ကဗျာဆရာအောင်ပိုင်စိုးရဲ့ Poet's Choice အစီအစဉ် စာမူတောင်းတုန်းက ဒီကဗျာလေးကို ပေးခဲ့မိတယ်။
ဒီလင့်များမှာ သွားရောက်ဖတ်ရှုနိုင်ပါတယ်။

>>Poet's Choice by Pi Min Swe
>>ငါ့ရဲ့အခင်းအကျင်း

"The Scream" Vincent Van Goh

တစ္ဆေခြောက်တဲ့ည

ဤအခန်းအား သံသယ၀င်လာသည့်အချိန်မှစ၍
အခန်းထောင့်ချိုးများပါမကျန် အေးစိမ့်လာမှု အနံ့စိမ်း
ပြတင်းတံခါးဆီကသစ်ရိပ်တို့နဲ့အတူ လူကလေးတစ်ယောက်
အသားပေါ်ဖုလုံးများထလာသည်အထိ ကမ္ဘာပျက်ကားထဲကလို
ရေလုံးကြီးတွေ မီးညွှန့်ခဲအပစ်အခတ်တွေပါတဲ့
နံရံက ပန်းချီကားကိုသာ မမှိတ်မသုန်စိုက်ကြည့်လို့
နေရာယူကျောမှီထားရာထောင့်ကလေးကနေ လက်သန်းလေးတောင်မဖော်ပြ၀ံ့
ထိုင်နေတဲ့လူဟာ ထလာမလား မှိတ်ထားတဲ့မျက်လုံးတွေများပွင့်လာမလား
ပန်းကနုတ်တွေနဲ့ကုလားထိုင်မှာ လက်နှစ်ဖက်တင်မျက်လုံးမှိတ်ထိုင်နေသူ
ဆိုဒ်ကြီးဓာတ်ပုံထဲကလူဆီလည်း မျက်လုံးကမခွာ
တစ်ချက်တစ်ချက် စက္ကန့်ဝက်လောက်စာ ဖြတ်လျှောက်အရိပ်များရဲ့
ခေါ်ဆောင်ရာ စိတ်ဟာ တစ်ကိုင်းမှတစ်ကိုင်း ရထားတစ်စီးမှတစ်စီး
ပြောင်းပြောင်းစီး ခုန်ခုန်ကူး ရုပ်ကတော့ သိစိတ်မှာတင်နေတဲ့
အချက်အလက်တွေနဲ့လည်းမလုံလောက်တော့ ဘာမှန်းဝေခွဲမရတာချင်းအတူတူ
နံရံကဓားဖြုတ်ပြီး ခုတ်ပိုင်းချလိုက်ရမလား ဟော... ညာဖက်သို့ရွေ့သွားပြန်ပြီ
မီးဖိုဖက်ဖြတ်ပြေးသွားပြန်ပြီ ပွတ်တိုက်ရွေ့လျားသံ တကျီကျီ ကြိတ်လှီးသံ
တွင်းခေါင်းထဲမှ စွဲစွဲငင်ငင်အူလိုက်သံလိုအသံ စာရွက်တွေ'တရွှပ်ရွှပ်'
လန်သွားသံ အမျိုးအမည်မသိအသံများဆီ ခြေကိုဖော့နင်း ဒီဖက်ထောင့်ကနေ
ဟိုမှာဖက်ဆီချောင်းကြည့် ထိုင်ခုံကထိုင်ခုံနေရာမရှိတော့ဘူး
စားပွဲတင်နာရီကကြမ်းပေါ်ကျကွဲ ရေပိုက်ခေါင်းနဲ့ကြွေဇလုံမှာ နီညစ်ညစ်အရည်တွေ
ကြည့်မှန်ထဲ သူလားငါလားအခြားတစ်ယောက်လား အမြန်မျက်နှာလွှဲရ
လက်သည်းနဲ့ဆွဲခြစ်ကုတ်ဖဲ့ထားသလို မှတ်စုတိုမှတ်တဲ့ဝှိုက်ဘုတ်ပေါ်မှာ
လူတစ်ယောက်လိုလို စကားလုံးတစ်လုံးလိုလို
တစ်နေရာကိုညွှန်ပြထားတဲ့မြေပုံလိုလို ခြစ်ရာတွေ...။

တိမ်ပြာသော နေ့တစ်နေ့မှာ
ရောင်စုံပူပေါင်းများနဲ့ သတို့သမီး
ယာဉ်ပျံကြီးစီးပြီး ရောက်လာပြီ
ဒါဟာ ဂြိုလ်သစ်တစ်ခုတွေ့ရှိခြင်းပါတဲ့
သူမ ပြုံးထားတယ်
ဓာတ်ပုံရိုက်ပေးမယ့်သူ မရှိဘူး
လက်ခုပ်သံနဲ့ ပိုးသားဝတ်စုံ မရှိဘူး
အနာတရ မိုးတိမ်တွေ ဆင်ယင်၍ပဲ
ကာဆယ်နဲ့မြင်းကို ထိုးကျွေး၍ပဲ
ခန်းမထဲ တိတ်တဆိတ် လှမ်းလာတယ်
အလာတုန်းက ယာဉ်ပျံကြီး
ပေါက်ကွဲ ပျက်စီး သွားခဲ့ပြီ။

ပိုင်မင်းဆွေ
( ၂ ဂျူလိုင် ၂၀၁၀)

သူ့ကို သေချာထုပ်ပိုးပြီး
လက်ဆောင်ပစ္စည်းတစ်ခုလို ပြန်ပို့လိုက်ကြတယ်။

အထုပ်ကို ဖြေလိုက်တော့
မြင်သူအားလုံး လန့်သွားကြတယ်
သူ့တစ်ကိုယ်လုံး ချုပ်ရိုးတွေနဲ့။

ဘာဖြစ်ခဲ့တာလဲ
ကရုဏာနဲ့ မေးသူမေး
သူ့နှုတ်ခမ်းတွေပါ ဘယ်လိုလက်လွန်ချုပ်မိသွားလဲမသိဘူး။

သူ့မျက်လုံးတွေထဲမှာ
မျက်ရည်တွေဝဲလို့ --
သူ့မှတ်ဉာဏ်ရဲ့ ချုပ်ရိုးတွေထဲမှာ
မှောင်မိုက်ညပဲ။

သူ့ကို ထုပ်ပိုးခဲ့တဲ့
အရောင်တောက်တောက်
အဆင်လှလှ
ကိုင်လိုက်ရင် ကြွပ်ကြွပ်မြည်တဲ့
ထုပ်ပိုးစက္ကူကိုသာ ငေးစိုက်လို့။


ဇေယျာလင်း
(၂၁ ဧပြီ၊ ၂၀၀၃)

လေချွန်သံကို ငှက်ကလေးက နားလည်တယ်
"ရွှီး" ဆို ပုခုံးပေါ် ရုတ်ချည်း ရောက်ရောက်လာတယ်
သူ့အတောင်ပံတွေနဲ့ လူကို ဆွဲချည်တစ်ခါ ခတ်ချည်တစ်လှည့် မြူးထူးလို့
လက်ဟန်ခြေဟန်ကို ငှက်ကလေးက သိတယ်
သူဘယ်တော့မှ ခပ်ဝေးဝေး ပျံသန်းမသွားဖူးဘူး
အဝေးက လေးလံမှုန်မှိုင်းမှုတိမ်တွေ ပြိုဆင်းလာပြန်ပြီ
နေညိုရင် ဒီလမ်းကလေးမှာ မြွေလိမ်မြွေကောက်ပုံစံ ဆိုင်ကယ်ထွက်စီးကြမယ်
ထန်းပင်တွေနဲ့အနားသတ်ထားတဲ့ လွင်ပြင်ဟိုဖက်မှာ ဘာရှိလဲ
ငှက်ကလေး မျက်လုံးတွေ ၀င့်ပြီး မေးဖူးတယ်
လေချွန်တတ်သူရဲ့ ဆံပင်ရှည်တွေကို ထိုးဆိတ် ဆွဲဖွနေရတာ နှစ်ခြိုက်တယ်
နွေဦးကိုလည်းစောင့်ကြည့်ဖူးတယ် သတိရမှုကိုလည်းပိုင်ဆိုင်ဖူးတယ်
လေချွန်တတ်သူကို ကမ္ဘာတစ်ခုလို့ ငှက်ကလေး ထင်နေတုန်းကပေါ့
တရုတ်ဆိုင်ကယ်လေးကိုယ်တိုင်မောင်းပြီး လာနေကျလမ်းကလေးအတိုင်း
နောက်တော့လည်း အဝေးပြေးကားတွေ စီးရတယ်
သွားရမယ့်ခရီးက ပို၍ ဝေးလံလာတယ်
ဧရိယာကုဒ်တွေ အမျိုးမျိုးပြောင်းပြီးခေါ်ဆိုရတယ်
မြန်မာငွေကနေ နိုင်ငံခြားငွေကို လဲလှယ်ရတယ်
ဒီလိုနဲ့ ခရီးက လေယာဉ်ပျံကြီးစီးမှ ရောက်တော့မယ်တဲ့
လမ်းတွေအကြောင်း ငှက်ကလေး ကောင်းကောင်း သိခဲ့တော့တယ်
လူတွေအများကြီးနဲ့ဆက်ဆံရတယ် တဖြည်းဖြည်းပျောက်ဆုံးလာတယ်
ဒီလို ဆုံးရှုံးစရာတွေများမယ်မှန်းသိရင် ငှက်ကလေး မပျံသန်းခဲ့ဘူး တကယ်
သူ့အတွက်တော့ သူ ထင်မထားတာတွေပဲ ဖြစ်ခဲ့တယ်
ငှက်ကလေး မပျော်တော့ဘူး
မပျော်လို့လည်း အပျော်တွေကို မွတ်မွတ်သိပ်သိပ် ရှာခဲ့တယ်
ရောက်ရာအရပ်ကနေ ငှက်ကလေး ပြန်လှည့်ကြည့်တယ်
သူထွက်လာတုန်းက ထန်းပင်တွေကို မမြင်ရတော့ဘူး
လမ်းတွေက ရှည်လျားရှုပ်ထွေးခဲ့ပြီ
တရုတ်ဆိုင်ကယ်လေးကို ငှက်ကလေး သတိရလာတယ်
လိုရာကို ထိန်းကျောင်း မောင်းနှင်ခဲ့ဖူးတယ်
ခေတ်နဲ့ လမ်းများက သူ့ကို မောင်းနှင်ခဲ့သလိုပေါ့
ဘာပဲပြောပြော အဲဒီတုန်းက လူကြီးမိဘစကားကို နားထောင်ခဲ့တယ်
ရိုးသားခြင်းဟာလည်း ငါးပါးသီလလို မြဲမြံခဲ့
အရာရာကို အရင်းအတိုင်း ရခဲ့ဖူးတယ် ရှိခဲ့ဖူးတယ်
ဒါတွေတွေးမိတော့ မျက်ရည်စို့လာတယ်
တော်ပြီ မတွေးတော့ဘူးဆိုပြီး သနပ်ခါးလေးလိမ်း
စိတ်ပြေလက်ပျောက် ဘုရားကျောင်းကန်ဖက်ထွက်လာခဲ့တယ်
ရင်ပြင်တော်ပေါ် တံမြက်စည်းလှည်းတယ်
တံမြက်စည်းလှည်းရင်း မရဘူး ငှက်ကလေး စဉ်းစားမိပြန်တယ်
ဘုရားကျောင်းဝင်းထဲက စကားပန်းပင်ကြီးအကြောင်း စဉ်းစားတယ်
ငယ်ဘ၀ စာသင်ခန်းနဲ့ လွယ်အိတ်အနီလေးအကြောင်း စဉ်းစားတယ်
စဉ်းစားရင်း သတိတွေရလာတယ် ခံစားလာရတယ်
ခံစားချက်တွေရှိသေးလည်း လေချွန်သံကြားရင် မြစ်ဟောင်းတစ်စင်းနဲ့တူတဲ့ပုခုံးပေါ်ကို
ငှက်ကလေး အရင်လို အပြေးပျံသန်းသွားမှာမဟုတ်တော့ဘူး။

ပိုင်မင်းဆွေ